எப்பொழுது நிறுத்தப் போகிறாய் ?

கவிதை என்ற
பெயரில்
நீ கிறுக்குவதைப்
படித்து படித்து
குறுதி கொப்பளிக்கிறது
என் பேனா.

கிறுக்குத் தனங்களின்
உச்சமாக உன் வார்த்தையின்
எச்சம்
சிலைகளில் படிந்த
காக்கையின் எச்சம்
போல் வீச்சம் அடிக்கிறது.

எப்பொழுது நிறுத்துவாய்
இந்த கிறுக்குத்தனங்களை ?
உன்னை திருத்த என்னால்
முடியாது என்பதால்

உன் கவிஜைகளை படித்து
என் மனநோய் முற்றுவதற்குள்
என்னை தொலைத்துக்
கொள்கிறேன்.
என்றாவது ஒரு நாள்
நீ எழுதுவதை
நிறுத்திவிட்டு
என்னைத் தேடு !

இப்பொழுதுதான் தெரிகிறது
உன்னைப்பார்த்த பலரும்
ஏன் தள்ளி தலைதெறிக்க
ஓடுகிறார்கள் என்ற
உண்மை !